Թուրքական Posta թերթի փոխանցմամբ՝ Թուրքիայի հարավ-արևելքում ահաբեկչություն է կանխվել։ Երկու ահաբեկիչներ տեղական ժամանակով ժամը 15։23-ին փորձել է մուտք գործել Գազիանթեփի (Այնթափ) ոստիկանատուն։
Սակայն ոստիկաններին հաջողվել է վնասազերծել ահաբեկիչներից մեկին, իսկ երկրորդը փախուստի է դիմել դեպքի վայրից։ Ավելի ուշ նրան ձերբակալել են։ Բախման ժամանակ թեթև վիրավորվել է մեկ ոստիկան։
Գազիանթեփի նահանգապետ Ալի Երլիքայան հայտարարել է, որ ոստիկանները պատասխան հարված են տվել իրականացված զինված հարձակմանը։
Թուրքական մամուլը սակայն հայտնել է, որ հարձակում գործածները երեքն են, որոնցից մեկը սպանվել է, երկրորդը՝ ձերբակալվել, իսկ երրորդը փախուստի է դիմել։ Նրա որոնման աշխատանքները դեռ շարունակվում են։
