Ադրբեջանական APA լրատվական գործակալության փոխանցմամբ, ԵՄ-ի արտաքին կապերի խորհրդի Բրյուսելում կայացած նիստում Լիտվայի արտգործնախարար, ԵԱՀԿ գործող նախագահ Աուդրոնյուս Աժուբալիսն իր ելույթում անդրադարձել է Հարավային Կովկասում տիրող իրավիճակին.
«Մենք աջակցում ենք Եվրոպայի և կովկասյան երեք երկրների միջև կապերի ակտիվացմանը: Ժամանակն է, որ մեր հարևաններին ներառենք Եվրոպական հարևանության քաղաքականության շրջանակներում տարվող նախաձեռնություններում և բանակցություններ սկսենք անցագրային ռեժիմի մեղմացման ու վերացման շուրջ: Դա վերաբերում է նաև Հայաստանին ու Ադրբեջանին»:
Լիտվացի նախարարը ԵՄ անդամ երկրների արտգործնախարարներին նաև իրազեկել է վերջերս Հարավային Կովկաս կատարած իր շրջագայության մասին, ուր նա այցելել էր որպես ԵԱՀԿ գործող նախագահ:
