Տղամարդիկ կեղծավորություն են անում, ասելով, թե դժգոհ են իրենց ընկերուհիների՝ անընդհատ խանութներով զբոսնելու սովորությունից, քանի որ իրականում դա նրանց էլ է դուր գալիս: Այս եզրահանգումների եկել է բրիտանական Npower ընկերությունը՝ պարզելով, որ տղամարդիկ ավելի շատ և արագ են ծախսում, քան կանայք:
Այս տվյալները ստացվել են մոտ 2 հազար բրիտանացու շրջանում հարցում իրականացնելուց հետո: Ինչպես գրում է The Times-ը, անսպասելի գնումների վրա այդ երկրում տղամարդիկ շաբաթական ծախսում են 25 ֆունտ ստերլինգ, իսկ կանայք՝ 19:
Տղամարդիկ շատ են ծախսում, սակայն քիչ ժամանակ են անցկացնում խանութներում: եթե կանայք պատրաստ են երկար փնտրել, որ լավն ու էժանը գտնեն, տղամարդիկ պատրաստ են ավելի շատ վճարել, միայն թե արագ վերջացնեն առևտուրը:
Օրինակ, կանանց 10-ից վեցը հրապուրվում են առաջարկվող զեղչերով, իսկ տղամարդկանց մեջ այդ թիվը միայն 4-ն է 10-ից:
