«Սա շատ կարևոր մի ժամանակաշրջան է, և երևի այն կդիտարկվի խորհրդարանի պատմության մեջ. Սահմանադրությունն արդեն ընդունվել է և հիմնականում Խորհրդարանն ընդունել է Սահմանադրությունից բխող այն նոր օրենքները, որոնք կկիրարկվեն ընտրություններից հետո. սա մեկ տարվա կարևորագույն աշխատանքն է: Այս մասին «Առաջին լրատվական»- ի հետ զրույցում, ամփոփելով 2016-ը, նշեց ԱԺ նախագահ Գալուստ Սահակյանը:
Ի՞նչ ակնկալիքներ կան 2017-ից. այս հարցին ի պատասխան՝ ԱԺ նախագահը նշեց, որ 2017-ին դրական գործընթացներ են սկսվելու, և յուրաքանչյուր քաղաքական ուժ կցանկանա մասնակցել ընտրություններին և որոշակի ձայներ ստանալ:
Ձեր նշած գաղափարն այն մասին, որ բոլորը պետք է բարեկեցիկ ապրեն, ՀՀԿ-ի առաջնահերթություններում կլինի՞. այս հարցին ի պատասխան՝ Գ. Սահակյանն արձագանքեց. «Դա ոչ թե իշխող ՀՀԿ-ի առաջնահերթությունն է, այլ մեր ամբողջ ազգի առաջնահերթությունն է: Մեր ամբողջ ազգը ցանկանում է, որ բոլորը լավ ապրեն: Բնականաբար իշխանությունները պետք է միջոցներ ձեռնարկեն, որպեսզի հնարավոր դառնա, որ մարդը Հայաստանում կարողանա բարեկեցիկ կենցաղն ապահովել»:
Մանրամասները՝ տեսանյութում: