Բոլիվիայում կա երկարակյաց, որը կարող է լինել աշխարհում ամենածեր մարդը: Վերջերս լրացել է նրա 123-ամյակը, եթե, իհարկե, գրանցման ծառայությունում սխալ տեղի չի ունեցել, հայտնում է ITAR-TASS-ը:
Ինչպես հաղորդում է Բոլիվիայի մամուլը, երկրագնդի ամենածեր բնակչի անունը Կարմելո Ֆլորես Լաուրո է: Նա, չնայած պատկառելի տարիքին, քայլում է առանց ձեռնափայտի ու ակնոց չի կրում:
Կարմելոն բնիկ այմար ժողովրդի ներկայացուցիչ է և ապրում է Տիտիկակա լճի մոտակայքում գտնվող գյուղակում:
Համաձայն Գինեսի ռեկորդների գրքի՝ մոլորակի ամենատարեց մարդն այսօր 115-ամյա ճապոնուհի Միսաո Օկավան է:
