Խորհրդարան մտնելու, քաղաքական գործընթացներին մասնակցելու մեծ ձգտում չկա: Ծրագիրը քաղաքական է, բայց մենք այդպիսի ամբիցիա չունեինք: Համահայկականության գաղափարը, թվում է, օրակարգային է: Համահայկական ծրագրեր կան, և այդ ծրագրերի կառավարիչները ընտրվում են՝ ինչպես պատահի, մենք առաջարկում ենք, որ նրանք ընտրվեն ժողովրդավարական ձևով՝ ըստ համամասնությունների: Առաջարկում ենք ստեղծել Վերին պալատ, որը կզբաղվի միայն համահայկական խնդիրներով: «Առաջին լրատվական»- ի հետ զրույցում այս մասին ասաց «Միացյալ Հայաստան» շարժման խորհրդի անդամ Ազատ Արշակյանը:
Նրա կարծիքով՝ եթե ՀՀ-Արցախ-Սփյուռք համախմբումը տեղի ունենա, նվիրատվության գումարները կմեծանան, որի կառավարմամբ կզբաղվի նորաստեղծ պալատը: Արշակյանի խոսքով՝ մինչ այժմ էլ այդ գործընթացն իրականացվում է, բայց դա ինքնագործունեության մակարդակի վրա է և անհրաժեշտություն կա պրոֆեսիոնալ կերպով իրականացնել:
Ա. Արշակյանի խոսքով՝ եթե Հայաստանը մնա եվրասիական շրջանակում, իշխանափոխություն չի լինի: Նա նաև նշեց, որ ինքնամաքրման հանգամանքը չի բացառում, և անդրադառնալով Ս. Օհանյանի հետ համագործակցությանը և դիտարկմանը, որ նա հնարավոր է լինի դաշինքի ղեկավար, սակայն երբևէ կոշտ գնահատական չի հնչեցրել՝ կապված ԵՏՄ կամ ՀԱՊԿ անդամ լինելու հանգամանքի կամ ՌԴ վարած քաղաքականության հետ, Արշակյանը նշեց, որ առաջին դեմքը պետք է հարմոնիկ լինի, պահպանի հավասարակշռությունը:
Մանրամասները՝ տեսանյութում: