Կորեական Samsung ընկերությունը նախօրեին պաշտոնապես ներկայացրել է Android-ով աշխատող ծալվող սմարթֆոնը: Սակայն այս նոստալգիան էժան չի արժենա: Չինական խանութներն այս սարքավորումը Samsung Galaxy S4-ից թանկ են վաճառում:
Samsung Hennessy անվանումով W789 մոդելը երկու մասից է բաղկացած, որոնցից յուրաքանչյուրը 3,3 դյույմանոց, 480×320 թողունակությամբ էկրանով է հագեցած: Ներսում 1,2 ԳՀց հաճախականությամբ 4-միջուկանի պրոցեսոր է, աշխատում է երկու SIM-քարտերով: Օպերացիոն համակարգը Android 4.1 է:
Unwired View տեխնոբլոգի տվյալներով՝ նախօրեին տեղի ունեցած շնորհանդեսից հետո Չինաստանում արդեն հայտնվել է սարքավորման տեսականին, որի գինը 800 դոլար է՝ ավելի թանկ, քան Samsung Galaxy S4-ը:
Հնարավոր է, Hennessy-ն շուտով ավելի մատչելի տարբերակն ունենա: Ավելի վաղ համացանցում արդեն հայտնվել էին Galaxy Folder անվանումով, սակայն այլ դիզայնով, ծալվող սարքավորման լուսանկարները: Նշենք, սակայն, որ այս հեռախոսը նախատեսված է բացառապես ասիական շուկայի համար:
