Չինաստանի Ուխան կենդանաբանական այգու աշխատակիցները փրկել են երեխայի կյանքը, ում վրա էքսկուրսիայի ժամանակ հարձակվել էր երիտասարդ առյուծը:
Ինչպես պարզվել է, նախքան միջադեպը աղջնակը որոշել էր ավելի մոտենալ առանց վանդակի պահվող կենդանուն, ինչով հրահրել էր հարձակումը:
Այգու այցելուների խոսքով՝ նրանց ուշադրությունը գրավել էր սրտաճմլիկ մանկան ճիչը: Մոտ վազելով՝ նրանք սարսափելի տեսարան էին նկատել: Ագրեսիվ գիշատիչը հարձակվել էր չափից ավել մոտեցած փոքրիկի վրա:
Ապշած ականատեսները միանգամից կանչել են կենդանաբանական այգու աշխատակիցներին: Փայտե մահակներով զինված հինգ տղամարդ փորձել են վախեցնել վայրի կենդանուն: Փոքրիկին հաջողվել էր ազատել միայն երկրորդ փորձից հետո:
Երեխային միանգամից տարել են հիվանդանոց մեծ վնասվածքներով: Ըստ բուժաշխատողների՝ գիշատիչը երեխային լուրջ վնասվածքներ է հասցրել, սակայն նրա կյանքին հիմա վտանգ չի սպառնում:
