«Հիդրո Կորպորացիա» ՓԲԸ-ն հարկային արտոնություն չի ստանա: Ընկերությունը խնդրել էր 3 տարով հետաձգել Ավելացված արժեքի հարկի վճարումը:
2005թ.-ին հիմնադրված «Հիդրո Կորպորացիա» ընկերությունը նախատեսվում է Արգիչի գետի վրա «Արգիչի ՓՀԵԿ» հիդրոէլեկտրակայան կառուցել և դրա համար պետք է գնի և Թուրքիայից ներմուծի GRP տեսակի խողովակներ` մոտ 862.5 մլն դրամ արժողությամբ: Հիդրոէլեկտրակայանը պետք է շահագործման հանձնվի 2014թ-ին և արտադրի մոտ 568.9 մլն դրամի էլելկտրաէներգիա`ապահովելով 17 աշխատատեղ:
Օրենքով 300 միլիոն դրամը գերազանցող ապրանքների ներմուծման դեպքում մաքսային մարմինների կողմից հաշվարկված ավելացված արժեքի հարկի գումարների վճարման ժամկետը մինչև երեք տարի ժամկետով կարող է հետաձգվել, իսկ այս ընկերության ներմուծումը 568,9 մլն դրամ է: Չնայած դրան ընկերության ներկայացրած ծրագրի ամփոփված գնահատականը կազմել է 25.3 միավոր, որը բավարար չէ այդ արտոնությունը ստանալու համար:
Գնահատականի մեջ հաշվի են առնվում իրատեսական ու հեռանկարային լինելը, ռիսկայնության աստիճանը, զբաղվածության ընդլայնումը, նորարարությունն ու մրցակցային առավելությունը, արտահանման խթանումը, ներմուծման փոխարինումն ու ենթակառուցվածքների զարգացումը և այլ կառավարության կողմից գերակա ճանաչված այլ նպատակներ:
Կառավարության այս որոշման նախագիծը կհաստատվի օգոստոսի 15-ի նիստին:
