Ուկրաինական հրուշակագործական Roshen ընկերության մի քանի գործարաններում կրճատումներ են հայտարարվել՝ Ռուսաստանի կողմից արտադրանքի ներկրման արգելքի պատճառով: Այս մասին հայտնում է Ukrinform-ը:
Վինիցկայա շրջանի գործարանի տնօրեն Ալեքսանդր Բիլիկը գործակալությանը հայտնել է, որ իրենց մոտ կրճատման տակ է հայտնվել մոտ 400 մարդ: Ինչպես սպասվում է, հոկտեմբերից կառաջարկվի նրանց անցում կատարել սեզոնային աշխատանքի՝ ամանորյա նվերների փաթեթավորման: Հետագայում, երբ արգելքը հանվի, նրանք կարող են վերադարձվել նախկին աշխատատեղեր: Բիլիկը նշել է, որ ձեռնարկության հզորություններն աշխատել են հիմնականում ռուսական շուկայի համար:
Կրեմենչուգսկայա շրջանի գործարանում աշխատանքից կարող է զրկվել մոտ 60 մարդ: Արդեն օգոստոսին ձեռնարկությունը արտադրական ծավալը նվազեցրել է 25 տոկոսով:
Roshen կորպորացիան 4 գործարան ունի՝ վերը նշվածներից բացի նաև Կիևում ու Մարիուպոլում:
Ռուսաստանն ուկրաինական ընկերության արտադրանքի մատակարարումների արգելքի մասին հայտարարել էր հուլիսի 29-ին՝ արտադրանքի մեջ բենզապիրենի հայտնաբերման պատճառով:
