Քաղաքական դաշտում տարբեր դաշինքներ են ձևավորվում, «ժառանգություն» կուսակցությունը դեռևս չի հայտարարել, թե ինչ ձևաչափով է մասնակցելու առաջիկա խորհրդարանական ընտրություններին: Արդյո՞ք տարբեր քաղաքական ուժերի հետ համագործակցության շուրջ քննարկումներ կան այս փուլում: Այս և այլ հարցերի շուրջ «Առաջին լրատվական»-ի հետ զրույցում «Ժառանգություն» խմբակցության պատգամավոր Զարուհի Փոստանջյանը նշեց, որ ինքը տեղյակ չէ նման քննարկումներից, անձամբ չի մասնակցում որևէ քննարկման:
Ես կարծում եմ. «Ժառանգությունը» շուտով որոշում կընդունի և հանդես կգա հայտարարությամբ, թե ինչ ձևաչափով պետք է մասնակցի ապագա ընտրություններին:
Զարուհի Փոստանջյանը համոզված է, որ դաշինքներով ընտրություններին մասնակցությունն անարդյունավետ ձևաչափ է: . «Հաշվի առնելով այս 25 տարիների փորձը՝ չեմ կարծում, որ արհեստական դաշինքներով ընտրություններին մասնակցությունն արդյունավետ է և կարող է դրական պայմաններ ստեղծել դաշտում: Մեր անցած փորձը ցույց է տալիս, որ արհեստական ստեղծված դաշինքներն արդյունավետ չեն»,- ընդգծեց պատգամավորը՝ հավելելով, որ կիսում է այն կարծիը, որ Հայաստանում չկան ընտրական գործընթացներ, բայց միևնույն ժամանակ այդ պայմանական գործընթացում պետք է պայքարել ոչ թե հրաժարվել պայքարից:
Մանրամասները՝ տեսանյութում:
