ԱՄՆ գործող նախագահ Բարաք Օբաման կարծում է, որ Ռուսաստանը փորձել է ցանահենային հարձակումների միջոցով ազդել Միացյալ Նահանգների ընտրությունների վրա։ Օբամայի խոսքով՝ նման փորձերը գալիս են Խորհրդային միության տարիներից, հաղորդում է Comedy Central-ը։
«Մեր ընտրությունների վրա ազդելու Ռուսաստանի փորձերը գալիս են Խորհրդային միությունից։ Այժմ նրանք կոտրել են էլեկտրոնային նամակների փոստը և հրապարակել դրանք»,-ասել է Օբաման։
Նրա խոսքով՝ ընտրություններից մի քանի ամիս առաջ գաղտնիք չէր, որ ռուսական հատուկ ծառայությունների հետ կապ ունեցող կազմակերպությունները պատասխանատու են Դեմոկրատական կուսակցության ազգային կոմիտեի նյութերը կոտրելու համար։
Օբաման նշել է, որ կարգադրել է գնահատել ընտրարշավի ժամանակ կիբերհարձակումները, որպեսզի հասարակությունը և ընտրված իշխանությունները շարունակեն աշխատանքը և կարողանան միջոցներ գտնել՝ ապագայում նման տեսակի միջամտությունը կանխելու համար։
