«Դուք ասում եք, թե մենք ուզում ենք, որ դուք արտաքին պարտքի քաղաքականությունը փոխեք։ Ո՛չ, չենք ուզում, որովհետև խնդիրը պարտքային քաղաքականության մեջ չէ, խնդիրը զարգացման քաղաքականության, իսկ ավելի ճիշտ՝ դրա բացակայության մեջ է: Մենք այս թվերով գնում ենք անդունդ»,- ԱԺ-ում պետական բյուջեի լրամշակված տարբերակի քննարկման ժամանակ այս մասին հայտարարեց ԱԺ «Հայ ազգային կոնգրես» խմբակցության ղեկավար Լևոն Զուրաբյանը:
ՀԱԿ խմբակցության ղեկավարի դիտարկմամբ՝ 2017թ.-ի պետական բյուջեում ներառված զարգացման թվերը չեն ապահովում աճող պարտքի բեռից դուրս գալու անհրաժեշտ տեմպերը, իսկ դա պետք է լինի 5 տոկոս: Նրա խոսքով՝ որդեգրած քաղաքականությունը տանում է դեպի դեֆոլտ, տնտեսական կոլապս, և եթե իրենք կողմ քվեարկեն այս բյուջեին, ապա կկիսեն երկիրը անդունդը տանելու պատասխանատվությունը:
Ըստ Լ. Զուրաբյանի՝ կառավարությունը չունի երկրի զարգացման բանալին: «Դուք զբաղված եք ժամավաճառությամբ, տնտեսությունը խեղդելով, պետական բյուջեի միջոցները մսխելով»,- ընդգծեց ՀԱԿ խմբակցության ղեկավարը:
Մանրամասները՝ տեսանյութում:
