«Ձեր ներկայացրած ծրագիրը բացարձակ ադեկվատ չէ այսօրվա իրավիճակին: Ախր, բյուջեի իմաստը դա չէ, բյուջեն քաղաքական փաստաթուղթ է, պետք է քաղքական լուծումներ առաջարկի, իսկ դուք տնտեսության հիվանդ կողմերին չեք անդրադառնում, չեք բարձրաձայնում ոչ կոռուպցիայի, ոչ մենաշնորհի մասին: Ո՞րն է ձեր կոնցեպտը, չկա այն: Չէ՞ որ իրավիճակը ճգնաժամային է, ո՞րն է ձեր տարբերությունը նախորդ կառավարությունից: Հիվանդ տնտեսության դեղատոմսը բերե՞լ եք»,- դիմելով ֆինանսների նախարար Վարդան Արամյանին՝ ԱԺ-ում այսօր 2017թ. պետական բյուջեի լրամշակված նախագծի քննարկման ժամանակ ասաց ՀԱԿ խմբակցության քարտուղար Արամ Մանուկյանը:
Ֆինանսների նախարար Վարդան Արամյանը համաձայնվեց, որ բյուջեն քաղաքական փաստաթուղթ է. «Սակայն բյուջեն նաև գործիք է մակրոտնտեսական կառավարման համար: Ձեր նշած խնդիրների մասին մենք ներկայացել ենք մեր մոտեցումները…»:
Արամ Մանուկյանն արձագանքեց՝ ասելով. «Այն, ինչ ասում եք, դրանք անհրաժեշտ են: Սակայն դուք մեր հիվանդ տնտեսությանը նայում եք որպես երկար՝ 50 տարվա բուժում անցնող համակարգ, ու նրան տալիս եք մրսածության դեղեր, իսկ համակարգը փտախտի մեջ է, ձեր քայլերն ադեկվատ չեն: 40 տոկոսանոց ստվեր կա մեր երկրում: Ձեր քայլերը լինելով ճիշտ, ադեկվատ չեն մեր տնտեսությանը. պետք են ռադիկալ քայլեր: Մեր երկրում առնվազն հինգ հոգի Թրամփից հարուստ են: Էդ ռակը թողած, մրսածության կաթիլներ եք տալիս: Դրանով այս երկիրն ուշքի չի գա»:
Մանրամասները՝ տեսանյութում:
