Վաղը ՀՖՖ նախագահ Ռուբեն Հայրապետյանն ինքը անձամբ կգնա Կապան՝ հանդիպելու թիմի երկրպագուներին ու ակումբի ղեկավարությանը: Այս մասին տեղեկացնում է «Սոսի» հեռուստաընկերության կայքը:
Հիշեցենենք, որ օրեր առաջ ակումբի նախագահ, Զանգեզուրի պղնձամոլեբդինային կոմբինատի գլխավոր տնօրեն Մաքսիմ Հակոբյանը հայտարարել էր, որ թիմը դուրս է գալիս Հայաստանի առաջնությունից: Նման հայտարարության պատճառ էր դարձել ՀՖՖ կարգապահական կոմիտեի որոշումը, համաձայն որի «Գանձասար»-ը սեփական խաղադաշտում առաջնության առաջիկա 5 հանդիպումները պետք է անցկացներ առանց հանդիսականների:
ՀՖՖ-ի կարգապահական կոմիտեն նման խիստ որոշմում էր կայացրել այն բանից հետո, երբ մայիսի 15-ին տեղի ունեացած «Փյունիկ»-ի հետ խաղում կապանցի երկրպագուները պոլիէթիլենային շիշ էին նետել մրցավարի ուղղությամբ:
Ակումբի ղեկավարությունը բողոքարկելով այդ որոշումը՝ սպասում է ՀՖՖ-ի վերանայված պատասխանին: Միայն դրանից հետո պարզ կլինի «Գանձասար»-ի ճակատագիրը: Ենթադրվում է, որ Կապանում կողմերը կգան ընդհանուր հայտարարի:
