Արտաքին տեսքի վրա ծիծաղելը կարող է մարդուն շատ ավելի խոր վիրավորել, քան նրա հասցեին հայհոյանքը կամ ռասայական և կրոնական հայացքներին ուղղված վիրավորանքը, պարզել են բրիտանացի գիտնականները:
Հետազոտության արդյունքում պարզվել է, որ Մեծ Բրիտանիայի բնակիչներն ավելի «հաստակաշի» են դարձել ցենզուրայից դուրս արտահայտությունների նկատմամբ, քան նրանց նախորդ սերունդները, գրում է The Daily Mail-ը: Սակայն շատերը խիստ կվիրավորվեն, եթե նրանց անվանեն, օրինակ, գեր կամ բարձրահասակ:
Հետաքրքիր է, որ մարդիկ սրտին մոտ են ընդունում ոչ միայն իրենց, այլև իրենց ծանոթների հասցեին ուղղված վիրավորանքները: Հարցման մասնակիցների 43 տոկոսը զայրանում է իր ծանոթների արտաքին տեսքի վերաբերյալ անհարիր արտահայտություններից, իսկ 39-ը տոկոսը վիրավորվում է, եթե իրենց են քննադատում:
