Բալետի պարուհի Անաստասիա Վոլոչկովան, ով վերջերս է Հունաստանից Ռուսաստան վերադարձել, իր միկրոբլոգում հրապարակել է հունական արձակուրդների «զեկույցը»: Նա պատմել է, թե ինչպես է հաշտվել իր ընկերոջ՝ Բախտիար Սալիմովի հետ (պարուհու սիրտը հալվել է, երբ գործարարը նրան շքեղ մատանի է նվիրել):
Հիշեցնենք, որ Անաստասիան Instagram-ում պատմել էր, որ բաժանվել է Բախտիարից՝ «նրա անհիմն խանդի պատճառով»: Սակայն տղամարդը որոշել է վերականգնել Վոլոչկովայի հետ հարաբերությունները:
Անաստասիան պատմել է, որ Հունաստանում առաջին իսկ օրը Բախտիարը սպիտակ վարդերի փնջով և շքեղ մատանիով հայտնվել է իր վիլլայի շեմին: Պարուհու խոսքերով՝ ինքը չէր կարող չգնահատել գործարարի այս արարքը: Անաստասիայի դուստրը և մայրը շատ են ուրախացել նրան տեսնելով: Դատելով պարուհու տպավորություններից ՝ Բախտիարը, Վոլոչկովան և նրա դուստրը՝ Արիշան, լավ ժամանակ են անցկացրել միասին:
Իր պատմության վերջում Վոլոչկովան հայտարարել է, որ կցանկանար Հունաստան գալ «ոչ թե հյուրի կարգավիճակով, այլ իր սեփական տուն՝ արևոտ, պայծառ և լայնարձակ դրախտային մի տուն՝ ծովի ափին, որտեղ կկարողանար ապրել երկար և երջանիկ»: «Սակայն, ցավոք, գործերը չեն սպասում»,- ավարտել է նա:
