ԵԱՀԿ-ն հայատարարություն է տարածել 2008 թ. Վրաստանում օգոստոսյան պատերազմի առնչությամբ։
«5 տարի անց մենք տեսնում ենք վնասը, որը զինված հակամարտության հետևանքով հասցվել է Վրաստանին և Հարավային Օսեթիային: Այդ հակամարտությունը ևս մեկ անգամ հիշեցրել է ԵԱՀԿ-ին և նրա առաքելության մասնակից պետություններին կազմակերպության մանդատի էությունը՝ համագործակցության հիման վրա անվտանգ տարածքի ստեղծումը, հարգանքը տարբերությունների նկատմամբ, վստահության հաստատումն ու խաղաղ ճանապարհով հակամարտությունների լուծման ձգտումը»,- ասվում է հայտարարությունում:
Հայտարարությունում նշվում է, որ հակամարտության գոտիների բնակիչներն արժանի են իրենց տներում, խաղաղ և կայուն պայմաններում ապրելուն:
ԵԱՀԿ-ն հայտարարում է հակամարտությունները խաղաղ ճանապարհով լուծելու անհրաժեշտության մասին, ինչպես նաև քաղաքական և մարդասիրական օգնության ցուցաբերման տեսանկյունից իր դերի մասին:
Նշվում է, որ ԵԱՀԿ-ն ինտենսիվորեն ներգրավված է միջնորդական գործունեության մեջ, որը վերաբերում է հակամարտության հետևանքներին: Մասնավորապես, ԵԱՀԿ-ն՝ ԵՄ-ի ու ՄԱԿ-ի հետ միասին համանախագահում է ժնևյան միջազգային քննարկումներում
