Ամերիկյան հետախուզության կողմից գաղտնալսված «Ալ-Քաիդայի» առաջնորդների բանակցություններից հայտնի է դարձել, որ ծրագրվող ահաբեկչությունների շարքում տրվել է նաև Բելգիայի անունը: Այդ մասին նշում է ֆլամանդական Het Laatste Nieuws թերթը՝ հղում կատարելով պետանվտանգության իր աղբյուրին:
«Զավենտեմում և Լեժում օդանավակայանների, ինչպես նաև Բրյուսելի Հարավային կայարանում վերահսկողության ուժեղացումը հեշտ բան չէ»,-հաղորդում են բելգիական լրատվամիջոցները:
Դրա հետ մեկտեղ մամուլը հաղորդում է օդանավակայանի անվտանգության համակագի թեստի մասին, որին մասնակցել է Soir Magazine-ի լրագրողը: Նա կարողացել է անցնել անվտանգության համակարգի մոտով դանակով և 450 գրամանոց արհեստական պայթուցիկով:
Ըստ պարբերականի՝ օդանավակայաններում վտանգավոր իրերի անցկացումը չի նկատվում 60% դեպքերում:
