ԱՄՆ դոլարի արժևորումը բացասական հետևանքներ կարող է ունենալ Հայաստանի տնտեսության վրա՝ կախված նրանից, թե ինչ չափով կարժեզրկվի դրամը: Այս մասին նոյեմբերի 13-ին լրագրողների հետ հանդիպման ժամանակ նշեց ՀՀ ֆինանսների նախարար Վարդան Արամյանը: Նրա ներկայացմամբ՝ դոլարի արժևորումը կարող է ճնշումներ առաջացնել Հայաստանի տնտեսությունում, բայց, որպեսզի դրա հետևան քները տեսանելի լինեն, պետք է հետևել, թե շղթայական ինչ կարող է տեղի ունենալ: Վարդան Արամյանը նշեց, որ եթե, օրինակ, դոլարը դրամի նկատմամբ արժևորվի հինգ տոկոսի չափով, ապա այն մեր երկրի համար տանելի կլինի:
«Դոլարի արժևորման համար հարկավոր է, որ ԱՄՆ-ի տնտեսական աճն ավելի առաջանցիկ լինի, քան զարգացած այլ երկրներինը: Կամ ԱՄՆ-ի տնտեսությունում ներդրողների վստահությունը պետք է ավելի բարձր լինի, քան այլ երկրներում: Վերջինը տեղի ունեցավ 2012-2013 թվականներին, երբ հոսքերն Արևելքից սկսեցին ուղղվել դեպի Արևմուտք»,- ասաց ՀՀ ֆինանսների նախարարը:
Վարդան Արամյանը հավելեց, որ պետական պարտքի համար դրամի մինչև քսան տոկոս արժեզրկումը դոլարի նկատմամբ «մարսելի է» և խնդիրներ չեն լինի:
