Հայաստանում 2016 թվականի առաջին ինն ամիսներում արտադրվել է 8 մլրդ 217.3 մլն դրամի հագուստ: Ինչպես տեղեկացնում է ՀՀ Ազգային վիճակագրական ծառայության հրապարակած տվյալները, 2015 թվականի հունվար-սեպտեմբերի նկատմամբ այս ցուցանիշն աճել է 24.7 տոկոսով:
Միևնույն ժամանակ Հայաստանում 1.5 տոկոսով նվազել են մանածագործական արտադրատեսակների արտադրությունը՝ կազմելով 339.5 մլն դրամ:
Այդ թվում զգալի նվազել են բամբակյա գործվածքների արտադրությունները՝ շուրջ 74.2 տոկոսով: Գորգեր և գորգեղենի նվազումը կազմել է 54.4 տոկոս, գուլպեղենինը շուրջ 2.5 անգամ, իսկ տրիկոտաժի արտադրության նվազումը 2015 թվականի հունվար-սեպտեմբերի համեմատ կազմել է 13.9 տոկոս:
2016 թվականի հունվար-սեպտեմբերին Հայստանում արտադրվել է 16 մլրդ 66,7 մլն հատ սիգարետ: ՀՀ Ազգային վիճակագրական ծառայության հրապարակած տվյալներով,նախորդ տարվա նույն ժամանակահատվածում արտադրվել է 12 մլրդ 601,3 մլն հատ սիգարետ:
Ըստ պաշտոնական վիճակագրության, նախորդ տարվա նույն ժամանակահատվածի համեմատ աճը կազմել է 27,5 տոկոս:
Ընդհանուր առմամբ 2016 թվականի հունվար-սեպտեմբերին Հայաստանում արտադրվել է 91 մլրդ 162 մլն դրամի ծխախոտային արտադրատեսակ: Այն նախորդ տարվա համանուն ժամանակահատվածի նկատմամբ աճել է 19,4 տոկոսով: