Տնտեսագետ Վահագն Խաչատրյանը լրագրողների հետ զրույցում անդրադառնալով Լ. Տեր-Պետրոսյանի հայտարարությանն այն մասին, թե Հայաստանին սպասվում է դեֆոլտ, նշեց, որ մինչև Լևոն Տեր-Պետրոսյանի ահազանգելը, այդ մասին խոսել են կառավարության, իշխանության ներկայացուցիչները՝ այն էլ պատասխանատու ներկայացուցիչները:
«Իրականում իրենք են ասում, որ վիճակը շատ վատ է, շատ ծանր է, և երբ որ նայում ենք պետական բյուջեի, պետական պարտքի չափին, տեսնում ենք, որ բավականին խնդրահարույց վիճակում ենք հայտնվել: Եթե փորձենք նաև լուծումներ գտնել, կհանգենք նրան, որ նույնիսկ պետական պարտքի սպասարկման առումով երկիրը խնդիրներ ունի և դա թույլ է տալիս եզրակացություն անել, որ Հայաստանն իսկապես կանգնած է անվճարունակության շեմին:
Այդ ահազանգն արվել է, քանի որ տնտեսությունը գահավիժում է, տնտեսության մեջ աճ չկա, ռեսուրսները կա՛մ վերջացել են, կա՛մ սահմանափակ են, ավելի ճիշտ, ես գտնում եմ, որ զարգացման ռսուրսները վերջացել են, և իշխանությունը պետք է կարողանա նոր մոտեցումներով իրավիճակը շտկել»:
Տնտեսագետի դիտարկմամբ՝ Հայաստանը դեֆոլտի շեմին է, և իրավիճակը կարող է շտկվել կոռուպցիայի և ստվերային տնտեսության դեմ պայքար մղելով:
Մանրմասները՝ տեսանյութում:
