Capitolio TV-ի փոխանցմամբ՝ Վենեսուելայի Ազգային վեհաժողովը, որում մեծամասնություն են կազմում ընդդիմադիրները, հոկտեմբերի 25-ին կողմ է քվեարկել երկրի նախագահ Նիկոլաս Մադուրոյի դեմ իմփիչմենթի գործընթաց սկսելուն։
Բացի այդ, պատգամավորները քվեարկել են Մադուրոյին նոյեմբերի 1-ին խորհրդարանի նիստ կանչելու օգտին։ Խորհրդարանը նախագահի դեմ իմփիչմենթի գործընթաց սկսելու մտադրության մասին հայտնել էր հոկտեմբերի 23-ին։
Պատգամավորները հավանության է արժանացրել բանաձևը, որը գործադիր իշխանության գործողությունները որակել է որպես սահմանադրական կարգի սպառնալիք և գործադիր իշխանությանը մեղադրում է պետական հեղաշրջման փորձի իրագործման համար։
Մադուրոյի հակառակորդների համար կարևոր է հանրաքվե կազմակերպել մինչև 2017 թվականի հունվարի 10-ը, քանի որ եթե այն կայանա ավելի ուշ, ապա այդ դեպքում Մադուրոյին իշխանությունից հեռացնելու դեպքում մնացյալ երկու տարում երկրում կիշխի փոխնախագահը։
