Քարնեգի հիմնադրամի Կովկասի հարցերով ավագ գիտաշխատող Թոմաս դե Վաալն անդրադարձել է Ադրբեջանի նախագահ Իլհամ Ալիևի վերջին հայտարարությանը, ըստ որի Լեռնային Ղարաբաղի հակամարտության կարգավորման հարցում փոխզիջում հնարավոր է, «այն կարող է դառնալ ինքնավար հանրապետություն»:
«Լեռնային Ղարաբաղին ինքնավար հանրապետության կարգավիճակ շնորհելու հարցը քննարկվել է 1988թ․, սակայն մերժվել է և դժվար է պատկերացնել, որ այն այսօր ավելի ընդունելի է»,-ասել է Թոմաս դե Վաալը Vesti.az-ի հետ զրույցում ։
Բրիտանացի փորձագետը նաև նշել է, որ ավելի տպավորիչ է Ադբեջանի նախագահի չափավոր տոնը, քան բովանդակությունը։
«Այն, որ Ալիևը ճանաչում է Ղարաբաղի հայերի իրավունքը, լավ է, և դա հակադրվում է պաշտպանության նախարարի հռետորաբանությանը»,- նշել է նա:
