Երևան քաղաքապետ Կարեն Կարապետյանի որոշմամբ՝ Երևան քաղաքում իրականացրած բարեգործական ծրագրերի համար, սիրիահայ բարերար, «Փյունիկ» բարեգործական հիմնադրամի պատվավոր նախագահ Գաբրիել Ջեմբերջին (Ջեմբերջյան) պարգևատրվել է Երևանի քաղաքապետի հուշամեդալով։
Բոլոր երևանցիների անունից շնորհակալություն հայտնելով և շնորհավորելով բարերարին, Կարեն Կարապետյանն ընդգծել է «Փյունիկ» բարեգործական հիմնադրամի ներդրումը մայրաքաղաքի բակային տարածքների բրեկարգման ծրագրերում։ «Ակնկալում ենք, որ մեր արդյունավետ գործակցությունը շարունակական կլինի և հնարավոր այլ ոլորտներ նույնպես կընդգրկի»,- նշել է քաղաքապետը։
«Փյունիկ» բարեգործական հիմնադրամի հոգաբարձուների խորհրդի նախագահ Լևոն Սարգսյանը նշել է, որ հիմնադրամի կողմից իրականացվող բարեգործական ծրագրերը շարունակական են լինելու և առաջիկայում բակային տարածքները կշարունակեն համալրվել խաղային ատրակցիոններով։
Այս տարի արդեն մայրաքաղաքի տարբեր վարչական շրջանների 48 բակային տարածք համալրվել է հիմնադրամի կողմից տրամադրված խաղային ատրակցիոններով։
