Բեսլանի մոտ Մոսկվա-Երևան ավտոբուսի վթարման փաստով հարուցվել է քրեական գործ։ Այս մասին TASS գործակալությանը հայտնել է Հյուսիսային Օսիայի իրավապահ մարմինների աղբյուրը։ Վթարի հետևանքով զոհվել է 5, վիրավորվել 27 մարդ։
«Գործ է հարուցվել ՌԴ ՔՕ «Ճանապարհային երթևեկության և տրանսպորտային միջոցների շահագործման կանոնների խախտում» հոդվածով։ Հետաքննության շրջանում կանցկացվի մոտ 10 փորձաքննություն, մասնավորապես՝ նշանակված է համալիր ավտոտեխնիկական փորձաքննություն վթարի հստակ պատճառները պարզելու համար»,- ասել է գործակալության զրուցակիցը:
