ՀԱՊԿ-ի անդամ երկրների արտաքին գործերի, պաշտպանության նախարարությունների և անվտանգության խորհուրդների ղեկավարները Երևանում կկազմեն հավաքական անվտանգության 2017 թվականի պլանը: Այդ մասին հաղորդվում է ՀԱՊԿ-ի կայքում:
Արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը տեղի կունենա Երևանում հոկտեմբերի 14-ին՝ Հավաքական անվտանգության խորհրդի նիստից առաջ: Դրան կմասնակցի նաև Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան:
Համատեղ նիստում կքննարկվեն «ՀԱՊԿ-ի ՀԱԽ-ի նիստի օրակարգը և ՀԱՊԿ-ի Հավաքական անվտանգության խորհրդի նստաշրջանին ներկայացվող փաստաթղթերը, ինչպես նաև որոշում կընդունվի հաջորդ տարվա համար ՀԱՊԿ-ի կառավարման մարմինների և հավաքական անվտանգության համակարգի ուժերի ու միջոցների կազմավորումների օպերատիվ ու մարտական պատրաստության համատեղ միջոցառումների պլանի մասին»:
