Renming Ribao թերթի փոխանցմամբ՝ Չինաստանի՝ համացանցային հարցերով գրասենյակի ղեկավարի տեղակալ Ժեն Սյանլյանը հայտարարել է, որ Չինաստանի իշխանությունները պատրաստ են երկրի մայրցամաքային հատվածից ապաարգելափակել Facebook-ը, եթե սոցցանցի ղեկավարությունը գործի չինական օրենսդրությանը համապատասխան:
«Համացանցի զարգացման ոլորտում Չինաստանի քաղաքականությունը շարունակում է մնալ բաց»,- ասել է նա:
Facebook-ը բազմիցս հետաքրքրություն է ցուցաբերել՝ դուրս գալու չինական համացանցային շուկա: Մոլորակի ամենամեծ բնակչությունն ունեցող երկրի օգտատերերի թիվը կազմում է մոտ 1 միլիարդ 375 միլիոն քաղաքացի: 2016 թվականի առաջին կեսի արդյունքներով՝ համացանցից օգտվողների թիվը հասել է 710 միլիոն մարդու:
