Հանրապետականների առաջնորդ Փոլ Ռայանը, որը ԱՄՆ Ներկայացուցիչների պալատի խոսնակ է, հայտարարել է, որ չի պաշտպանի Դոնալդ Թրամփի թեկնածությունն ԱՄՆ նախագահի պաշտոնում՝ չնայած այն բանին, որ իրենք մեկ կուսակցության անդամներ են։ Այս մասին գրում է The New York Times-ը։
ԱՄՆ օրենսդիր մարմնի ստորին պալատի աղբյուրների խոսքով՝ Ռայանն առավոտյան կոնֆերանսի ժամանակ հայտարարել է, որ հրաժարվում է մասնակցել Թրամփի արշավին։
«Փոլ Ռայանը պետք է ավելի շատ ժամանակ հատկացնի բյուջեի հավասարակշռման, աշխատատեղերի ստեղծման ու անօրինական միգրացիայի հարցերին և ժամանակ չկորցնի հանրապետական թեկնածուի քննադատության վրա »,- ի պատասխան գրել է Թրամփն իր թվիթերյան էջում։
