«Առաջին լրատվական»- ի զրուցակիցն է ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանը:
–Տիկին Վարդանյան, երեկվանից մամուլում տեղեկատվություն է տարածվել, որ ԲՀԿ անդամների հետ հանդիպել է Գագիկ Ծառուկյանը և, ըստ էության, քննարկվել է նրա վերադարձի հարցը: Չե՞ք ափսոսում, որ շտապողականություն դրսևորեցիք և դուրս եկաք ԲՀԿ-ից:
-Ես տեղեկատվությանը տիրապետում եմ այնքանով, որքանով դուք, այսինքն՝ տեղեկացել եմ լրատվամիջոցներից: Իսկ ինչ վերաբերում է ափսոսալուն, կուսակցությունից դուրս գալ-չգալուն, ապա պետք է ևս մեկ անգամ հիշեցնեմ, որ ինձ կուսակցությունից հեռացրել են, նաև այն պատճառով, որ ես անհամաձայնություններ ունեի կուսակցության դիրքորոշման հետ:
– Հավանական համարո՞ւմ եք Գ. Ծառուկյանի վերադարձը, և ի՞նչ եք կարծում, ԲՀԿ-ն կկարողանա՞ նույն թափն ունենալ, ինչ ուներ մինչև փետրվարյան հայտնի դեպքերը, կկարողանա՞ առաջնորդել Գ. Ծառուկյանը:
-Ես զերծ կմնամ նախապես որևէ գնահատական հնչեցնելուց, առաջիկա զարգացումները ցույց կտան, թե իրականում ինչպիսի փոփոխություններ են լինելու կամ արդյո՞ք լինելու են: Ես այդ ամեն ինչին հետևում եմ միայն մամուլի միջոցով:
Հարցազրույցն ամբողջությամբ՝ տեսանյութում:
