Հայաստանի Հանրապետության նախագահ Սերժ Սարգսյանի հրամանագրով նախագահի աշխատակազմի ղեկավար Վիգեն Սարգսյանը այսօր նշանակվեց պաշտպանության նախարարի պաշտոնում, Գլխավոր շտաբի պետ նշանակվեց Մովսես Հակոբյանը, իսկ Խաչատուրովը՝ ԱԱԽ քարտուղար:
Անդրադառնալով այս նշանակումներին՝ իրավապաշտպան Ժաննա Ալեքսանյանը նկատեց, որ Վիգեն Սարգսյանը պաշտպանության նախարարի պաշտոնում շատ անսպասելի թեկնածու էր. «Կարծում եմ՝ Վիգեն Սարգսյանը վայելում է համակրանք, նրա անվան շուրջ չկան խոսակցություններ, նա կոռումպացված չէ, խելացի է… բարեհաճ տրամադրություն կա նրա անվան շուրջ: Իսկ թե ինչպիսի պաշտպանության նախարար կլինի՝ ցույց կտա ժամանակը»:
Իրավապաշտպանը կարևորում է այն հանգամանքը, որ «պաշտպանության նախարարությունը գլխավորելու է մի մարդ, որի անունը մաքուր է»: Ժաննա Ալեքսանյանը հույս հայտնեց, որ Վիգեն Սարգսյանը կկարողանա շարունակել լավ փոփոխությունները և բարեփոխել շատ լուրջ հարցեր, որոնք լուծված չեն:
Իրավապաշտպանը հակված չէ այն կարծիքին, որ պաշտպանության նախարարի պաշտոնի համար պարտադիր է զինվորական լինելը. «Կարևորը, որ մարդը մտահոգված լինի բանակի խնդիրներով:
