Հոլիվուդյան հայտնի ռեժիսոր և պրոդյուսեր Ջեյմս Քեմերոնը 2012 թ. ամռանը կներկայացնի 1997 թ. նկարահանված «Տիտանիկ» ֆիլմը` վերափոխած 3D ֆորմատի: Այս մասին հաղորդում է Reuters գործակալությունը:
«Արդեն մի ողջ սերունդ կա, որը երբեք չի նայել «Տիտանիկն» այնպես, ինչպես պետք է նայեին, այսինքն` մեծ էկրանին: Սակայն հիմա կլինի մի «Տիտանիկ», որը դուք նախկինում երբեք չեք տեսել, 4K թվային լուծողունակությամբ և վերափոխված 3D ֆորմատի»,- մամուլի ասուլիսի ժամանակ ասել է Քեմերոնը:
Հիշեցնենք, որ «Տիտանիկը» վարձույթում է հայտնվել 1997 թ.` սահմանելով նոր ռեկորդ ստացված եկամուտների ցուցանիշով` 1.843 մլրդ դոլար, որը գերազանցվեց միայն 2010 թ. Քեմերոնի մեկ այլ ֆիլմի՝ «Ավատարի» կողմից` 2.782 մլրդ դոլար:
