Միացյալ Նահանգները մայիսի 19-ին ահաբեկչական կազմակերպությունների ցուցակը համալրել է ևս մեկով` «Իսլամի բանակ» կազմակերպությամբ, որը տեղակայված է Պաղեստինի Գազայի հատվածում:
Պետքարտուղարությունում նշել են, որ «Իսլամի բանակը» սերտորեն կապված է Գազայի կլաններից մեկի հետ և պատասխանատվություն է կրում Իսրայելի տարածքի հրթիռակոծման, ինչպես նաև 2009 թ. Եգիպտոսում իրականացված հարձակման համար, որի հետևանքով մարդիկ են զոհվել։
Պետքարտուղարության հայտարարության մեջ նաև նշվում է, որ «Իսլամի բանակը» փորձում է սերտ հարաբերություններ հաստատել «Ալ-Քաիդայի» հետ: Հենց այս կազմակերպությունն էր, որ դատապարտել է մայիսի 1-ին «Ալ-Քաիդայի» առաջնորդ Ուսամա բեն Լադենի սպանությունը: