Թուրքական Son dakika լրատվական կայքի փոխանցմամբ՝ եթե Սիրիական ազատ բանակը չկարողանա սեփական ուժերով ԴԱԻՇ-ին վտարել Էլ-Բաբ քաղաքից, ապա նրան օգնության կհասնի Մեհմեթչիքը (թուրք զինվորի փաղաքշական անուն):
Ընդգծվում է, որ 41.000 թուրք զինծառայող պատրաստ վիճակում կանգնած են Սիրիայի սահմանին և անհրաժեշտության դեպքում կարող են մասնակցել Էլ-Բաբի ռազմական գործողությանը:
Դա տեղավորվում է Թուրքիայի զինված ուժերի Գլխավոր շտաբի մշակած պլան «Բ»-ի շրջանակներում, քանի որ պլան «Ա»-ով նախատեսվում է, որ Էլ-Բաբի գործողությունը սեփական ուժերով պետք է իրականացնի Սիրիական ազատ բանակը:
Հալեպից հյուսիս ընկած այդ քաղաքը շարունակում է մնալ ԴԱԻՇ-ի վերահսկողության ներքո: Ընդգծվում է, որ ԴԱԻՇ-ն այդտեղ ունի 4000 զինյալ, իսկ Սիրիական ազատ բանակը՝ մոտ 1800 զինյալ: ԴԱԻՇ-ի դիրքերի ռմբակոծությունները շարունակվում են:
