Անցած մեկ շաբաթում Ճապոնիայում ջերմային հարվածներով 563 մարդ է հոսպիտալացվել։ Այս մասին հայտնել է երկրի գլխավոր հրշեջ վարչությունը, որը կատարում է նաև ԱԻՆ-ի դեր՝ փոխանցում է TASS գործակալությունը։
Ճապոնիայի տարածքի մեծ մասում սաստիկ շոգն արդեն մեղմանում է, սակայն հարավային շրջաններում ջերմաստիճանի սնդիկի սյունը դեռ մնում է մոտ 30 աստիճան Ցելսիուս։ Նախորդ շաբաթ ջերմային հարվածներով հոսպիտալացվել էր 1501 մարդ։
Անցած տարի Ճապոնիայում շոգի պատճառով մահացել էր ավելի քան 100 մարդ, ևս 53 հազարը՝ հոսպիտալացվել։
