Այսօր ժամը 13.20-13.30-ի սահմաններում գլխի հրազենային մահացու վիրավորում է ստացել Գյումրու քաղաքապետի ԲՀԿ թեկնածու Վարդևան Գրիգորյանի կրտսեր որդին՝ Արշակ Գրիգորյանը: Գյումրիում տարբեր վարկածներ են շրջանառվում: Դատախազությունը քրեական գործ է հարուցել ինքնասպանության հոդվածով, մինչդեռ Գյումրիում թե՛ քաղաքացիները, թե՛ մասնագետները շրջանառում են հիմնականում քաղաքական հողի վրա Բալասանյան թևի և Գրիգորյան թևի բախումները:
Քաղաքագետ Գագիկ Համբարյանն անդրադարձավ շրջանառվող «զառերի պատմությանը» և նշեց, որ այդ պատմությունն արդեն 2-3 օր է շրջանառվում է քաղաքում: «Կարծում եմ՝ այս ողբերգությունը «զառերի պատմության» հետ կապ չունի: Այս ողբերգությունը քաղաքականացնելը սխալ է, ավելի լավ կլինի, որ ամենաառաջինը ոստիկանությունը հանդես գա հայտարարությամբ, համապատասխան հետաքննություն անցկացվի, հետո մենք խոսենք, թե ինչի հետ էր կապված: Մամուլում շրջանառվում են աբսուրդ վարկածներ, այնպիսի մարդկանց անուններ են տալիս, որոնք նույնիսկ ՀՀ-ում չեն»:
Գագիկ Համբարյանը նշեց, որ Վարդևան Գրիգորյանի 4 որդիները, առավել ևս Արշակը, երբևէ «կրիմինալ» պատմությունների մեջ չեն ներքաշվել:
Նա հավաստիացրեց, որ Բալասանյանի և Գրիգորյանի միջև քաղաքական պայքար է եղել, սուր բախումներ չեն եղել, «իսկ զառերի պատմությունը տգեղ էր և շատ կետոտ խաղ էր»:
Մանրամասները՝ տեսանյութում:
