Georgia Online-ի փոխանցմամբ՝ Վրաստանի պաշտպանության նախարար Լևան Իզորիան հանդիպել է Թուրքիայի ցամաքային զորքերի հրամանատար, բրիգադի գեներալ Սալիհ Զաքի Չոլաքի հետ։
Հանդիպումն անցկացվել է Վրաստանի պաշտպանության նախարարությունում։ Իզորիան շնորհակալություն է հայտնել թուրք հյուրին թուրքական պետության կողմից Վրաստանին ցուցաբերած քաղաքական ու գործնական բազմամյա աջակցության համար։
Հանդիպման ժամանակ կողմերը քննարկել են պաշտպանական ոլորտում երկկողմ հարաբերությունների խորացման հնարավորությունները։ Քննարկվել է նաև ռազմական կրթության ոլորտում ակտիվ համագործակցության հարցը։
Վրաստանի ՊՆ-ի հաղորդմամբ՝ կողմերը զգալի ուշադրություն են հատկացրել վրաց-թուրք-ադրբեջանական եռակողմ հարաբերությունների խորացման հեռանկարներին։
