Ամերիկյան Նյու Ջերսիում տեղի է ունեցել նոր պայթյուն՝ հայտնում է Nj.com պորտալը:
Ուժեղ պայթյուն է որոտացել Էլիզաբեթ երկաթուղային կայարանի շրջանում՝ տեղի ժամանակով ժամը մոտավորապես 00:40-ին (Երևանի ժամանակով՝ ժամը 08:40-ին): Պայթյունից մի քանի ժամ առաջ հաղորդվում էր, որ դրա մերձակայքում հայտնաբերվել է կասկածելի առարկա՝ պայուսակ, որի պարունակությունը կասկած է առաջացրել:
Պայուսակն ուսումնասիրելու համար հատուկ ռոբոտ էր ուղարկվել: Պայթյունը որոտացել է պայուսակն ուսումնասիրելիս: Զոհերի և տուժածների մասին չի հաղորդվում, տվյալներ չկան նաև երկաթուղուն պատճառված վնասի մասին:
Ներկայումս երկաթուղային կայարանը և արվարձանի մի քանի փողոց ոստիկանությունը շղթայել է:
Սեպտեմբերի 17-ին Նյու Ջերսիում մարաթոնից առաջ պայթյուն է որոտացել, նաև երկրորդ պայթուցիկն է հայտնաբերվել:
Նույն օրն ավելի ուշ Նյու Յորքում պայթյունի հետևանքով տուժել է 29 մարդ: Քաղաքի ոստիկանությունը կարծում է, որ երկու քաղաքներում տեղի ունեցածը կապված են միմյանց հետ, և որ պայթուցիկները կարող էր պատրաստել նույն աձը:
Բացի դրանից՝ ստուգվում է համացանցում հրապարակման իսկությունը, որի հեղինակը ստանձնել է Նյու Յորքում պայթյունի կազմակերպումը:
