Իր կարճ կյանքի ընթացքում հոլիվուդյան աստղ Փոլ Ուոքերը հասցրել է անել բազմաթիվ դրական բաներ և նույնիսկ ազդել իր ընկերների կարծիքի վրա։ Օրինակ՝ նա իր ընկեր և «Ֆորսաժի» գործընկեր Վին Դիզելին «մղել է» հայրության։ Այս մասին պատմել է Դիզելն անձամբ բարեգործական երեկոյի ընթացքում, որտեղ ուղևորվել է Փոլի հայրիկի և եղբոր հետ։
«Փոլը շատ կարևոր դեր է խաղացել իմ կյանքում։ Նա միակն էր, որ գիտեր՝ պետք է հայր դառնամ։ Նա ինձ ասաց, որ գնամ հիվանդանոց, ներկա լինեմ, երբ երեխան լույս աշխարհ գա։ Նա խորհուրդ է տվել ինձ կտրել պորտալարը։ Հավանաբար, նրան ինձ մոտ էր ուղարկել ինքը՝ Աստված, որովհետև նա ինձ դրեց ճշմարիտ ուղու վրա։
Երբ մենք նկարահանում էին «Ֆորսաժի» առաջին մասը, ես արդեն 30 տարեկան էի և երեխաներ չունեի, իսկ Փոլը դուստր ուներ։ Ընդմիջումներին նա ինձ ասում էր. «Էյ, Վին, հայր դառնալն այնքան էլ սարսափելի չէ»։ Եվ իսկապես։ Ես դստերս անվանեցի Փոլա, քանի որ Փոլն արժանի է դրան՝ իմ կյանքում ունեցած ներդրման համար»,- ասել է Դիզելը։
Այժմ Վին Դիզելն ունի երեք երեխա։ Նա չափազանց ծանր է տարել ընկերոջ հանկարծակի մահը, որը վրա էր հասել ավտովթարի հետևանքով։
