Իրանի ԱԳՆ-ն դատապարտում է Դեյր էզ Զորում ԱՄՆ-ի ավիահարվածը Սիրիայի բանակի դիրքերին և դա համարում է ահաբեկիչներին աջակցության վկայություն, հայտնում է RIA Novosti-ն: Այդ մասին կիրակի օրը հայտարարել է Իրանի ԱԳՆ պաշտոնական ներկայացուցիչ Բահրամ Կասեմին:
«Այդ գործողությունը, որը ժամանակային առումով համընկել է ԴԱԻՇ-ի հարձակման հետ, վկայում է Սիրիայում ահաբեկչական խմբավորումներին ամերիկացիների աջակցության մասին, ինչպես նաև Սիրիայի ինքնիշխանության խախտման մասին»,- ասված է Կասեմիի հայտարարությունում:
Նա նշել է, որ այդ քայլը հակասում է միջազգային իրավունքին, սպառնում է հրադադարի ռեժիմին և օգնում է այն խմբավորումներին, որոնք ՄԱԿ-ի Անվտանգության խորհրդի ցուցակում ահաբեկչական են
ԱՄՆ-ը ավելի վաղ հաստատել էր ավիահարվածների փաստը և «ափսոսանք» հայտնել սիրիացի զինվորականների մահվան կապակցությամբ: Պենտագոնը նշել էր, որ բանակի դիրքերին հարվածները կատարվել են սխալմամբ, որոնց թիրախները պետք է լինեին ահաբեկիչները:
