Գերմանիայի դաշնային կանցլեր Անգելա Մերկելը խոստացել է, որ կանի հնարավոր ամեն բան, որպեսզի թույլ չտա՝ կյանքի կոչվեն ԵՄ ապագայի վերաբերյալ պոպուլիստ քաղաքական գործիչների հայտարարությունները։ Այս մասին փոխանցում է Bloomberg գործակալությունը։
«Եվրոպան ոչ այնքան լավ վիճակում է։ Դա ինձ ցավ է պատճառում, բայց ես կանեմ հնարավոր ամեն բան՝ թույլ տալու մեզ վերածնել այն, ինչի համար մեր հանրությունն ինչ-որ ժամանակ միավորվել է»,- ասել է կանցլերը Պոտսդամում մամլո ասուլիսի ժամանակ։
Մերկելը նաև նշել է, որ ԵՄ-ի գոյատևումը դառնում է «պատերազմի ու խաղաղության» հարց։ Նա նախազգուշացրել է «ազգայնականության, եսասիրության և արմատականցման միտման» սպառնալիքի մասին, որոնք խոչընդոտում են կամ նույնիսկ տորպեդահարում եվրոպական միասնությունը։
