Հյուսթոնի հարավ-արևմուտքում (Տեխաս նահանգ, ԱՄՆ) գողերը կողոպտել են տունը՝ թողնելով գողացված իրերի ցուցակը և գրություն՝ հանցագործության շարժառիթի բացատրությամբ: Այս մասին հայտնում է KHOU պորտալը:
Տանտեր Ջոզեֆ Ալվարադոյի խոսքով՝ նա պարզել է, որ տնից իրեր են պակասում, այդ թվում՝ PlayStation 4 խաղային կոնսոլը, մի զույգ կարգավորիչներ և նրա դստեր նոթբուքը:
Տուժածը մանկական ձեռագրով գրված գրություններ է գտել: Դրանցից մեկում հանցագործները բացատրել են իրենց հանցագործության շարժառիթները: «Ես գողացել եմ քո իրերը, քանի որ իմ եղբայրն ինձ ասել է դա չանել»,- նշված է եղել առաջին գրառման մեջ:
Երկրորդ նամակում թվարկված են եղել Ալվարադոյի տնից գողացված իրերը:
Տուժածը հայտարարություն է տվել ոստիկանությունում և զբաղվել իր տան անվտանգության ուժեղացմամբ:
