Վիկտորյա Բեքհեմը իրավամբ համարվում է ամենաոճային հայտնիներից մեկը: Մոդայի աշխարհում նա վաղուց է թելադրում սեփական կանոնները, թողարկում է հագուստի հավաքածուներ, աքսեսուարների և օծանելիքների գծեր:
Սակայն միշտ չէ նա իրեն զգացել այդպես վստահ: Թե ինչպիսին է եղել Վիկտորյան երիտասարդության օրերին, պատմում է Vogue-ում հրապարակված նրա նամակը: Դևիդ Բեքհեմի կնոջ այդ ուղերձը հասցեագրված է 18-ամյա Վիկտորյա Ադամսին (հայտնիի աղջկական ազգանունը):
Նամակում նա պատմում է իր արտաքինի հետ ունեցած խնդիրների, Laine Theatre Arts քոլեջում սովորելու տարիներին ունեցած բարդույթների մասին: Սակայն հետ նայելով՝ Spice Girls խմբի նախկին անդամը չի ոչնչի համար չի ափսոսում և ուրախ է անցած ճանապարհի համար:
Նա գրել է, որ մի ծայրահեղությունից մյուսին անցնելը կյանքը դարձնում է հետաքրքիր: «Ինձ դուր է գալիս, որ դու զգում ես ազատություն՝ քեզ արտահայտելով: Ինչ-որ պահի քո կյանքում մոդան չափազանց շատ կլինի: Թույլ մի տուր նրան քեզ ճնշել»,- նախազգուշացրել է նորաձև բրենդի ստեղծողը:
«Դու կիմանաս, որ ճաշակը կարող է խիստ փոխվել, որ կարելի է մինի շրջազգեստները փոխարինել ձյունաճերմակ վերնաշապիկներով: Սակայն դու երբեք չես լինի այն մարդկանցից մեկը, որոնք այնպիսի տեսք ունեն, կարծես հենց նոր են վեր կացել անկողնուց»,- ասել է հայտնին, որը մի քանի տարի առաջ հանդես է եկել որպես ոճի ուղեցույց, որը դարձել է բեսթսելլեր:
