Վերլուծաբան Պոլ Մերսոնը գովեստի խոսքեր է հասցեագրել Հայաստանի հավաքականի ավագ և «Մանչեսթեր Յունայթեդ»-ի նորեկ Հենրիխ Մխիթարյանին:
«Մոուրինյոն գիտի, թե իրեն ինչ է անհարժեշտ: Նա միշտ հասնում է իր նպատակներին: Նա թիմի կազմում ընդգրկեց հզորագույն ֆուտբոլիստների:
Կգա ժամանակ, և Հենրիխ Մխիթարյանը կդառնա «Մանչեսթեր Յունայթեդ»-ի բացարձակ աստղը: Եվ այդ ժամանակն այդքան էլ հեռու չէ:
Հենրիխը կհարմարվի թիմին և կցուցադրի, թե ինչի է ընդունակ: Մխիթարյանը մեծ խնդիրներ կստեղծի մրցակիցների համար»,- ասել է Sky Sport-ի վերլուծաբանը:
Հիշեցնենք, որ Հայաստանի հավաքականի կիսապաշտպանը վնասվածք է ստացել Չեխիայի ընտրանու դեմ ընկերական խաղում: Հենրիխը ստիպված կլինի բաց թողնել ազգային թիմի` աշխարհի 2018 թվականի առաջնության ընտրական մրցաշարի Դանիայի հավաքականի դեմ խաղը, ինչպես նաև Անգլիայի առաջնության 4-րդ տուրի «Մանչեսթեր Յուանյթեդ»-ի` «Մանչեսթեր Սիթի»-ի դեմ հանդիպումը:
