Ռուսական RIA Novosti լրատվական գործակալության փոխանցմամբ՝ Ռուսաստանում վերացվել են Թուրքիայում ուսում ստանալու նպատակով ռուսաստանցի ուսանողների մեկնելու սահմանափակումները, որոնք սահմանվել են «Սու-24»-ի միջադեպից հետո: Այս մասին հայտարարել է Ռուսաստանի կրթության նախարարության միջազգային դեպարտամենտի տնօրեն Նիկոլայ Տոյվոնեն:
Նրա խոսքով՝ այդ արգելքի պատճառն այն էր, որ իրենք չէին կարող երաշխավորել Թուրքիայում ռուսաստանցի ուսանողների անվտանգությունը:
Տոյվոնեն հիշեցրել է, որ արդեն իսկ զբոսաշրջիկների համար բացվել են չարթերային չվերթները, ուստի ուսանողների համար չկան սահմանափակումներ: Տոյվոնեն ընդունել է, որ ամեն դեպքում Թուրքիայում դեռ կան անվտանգության հետ կապված խնդիրներ:
