ԱԺ պատգամավոր, նախկին արտգործնախարար, ՀՀՇ խորհրդի նախագահ Ալեքսանդր Արզումանյանը, ով օրեր առաջ եղել է Արցախում, այցելել է սահմանային դիրքեր, «Առաջին լրատվական»- ի հետ զրույցում նշեց, որ հաճելիորեն զարմացած է, որովհետև հսկայածավալ աշխատանքներ են կատարվել կարճ ժամանակահատվածումում: «Աշխատանքները ինտենսիրվորեն շարունակվում են, և դա հույս է ներշնչում, որ մենք շատ լուրջ դասեր քաղեցինք ապրիլյան պատերազմից»,- ընդգծեց Ա. Արզումանյանը՝ հավելելով, որ այսօր լիակատար պատրաստվածության պայմաներում է գործում ԼՂՀ բանակը:
Անդրադառնալով դիտարկմանը, որ Կազանյան փաստաթուղթն ստորագրելու մասին պատրաստակամություն է հայտնել Ս. Սարգսյանը «Բլումբերգին» տված հարցազրույցում, Ա. Արզումանյանը նշեց, որ եթե կա փաստաթուղթ, որի տակ ստորագրություն գոյություն չունի, այդ փաստաթուղթն առ ոչինչ է. «Եթե կա փաթեթի շուրջ քննարկումներ ծավալելու պատրաստակամություն, դա չի նշանակում, որ կողմերից քննարկման համաձայնություն տվողը համամիտ է փաթեթում տեղ գտած բոլոր ձևակերպումների հետ»:
«Սկսած 1994-ից՝ Ղարաբաղյան հակամարտության կարգավորման շուրջ բոլոր բանակցայի գործընթացներում և քննարկումների ժամանակ եղել են փոխզիջումային առաջարկներ, Հայաստանը կառուցողական մոտեցում է ցուցաբերել, իսկ Ղարաբաղի իշխանությունն ավելի կոշտ մոտեցում է ցուցաբերել, ինչը հասականալի է. ի վերջո Ղարաբաղի ժողովուրդը պետք է որոշի՝ փոխզիջման գնալ թե ոչ, և որոշի փոխզիջման աստիճանը»:
Անդրադառնալով դիտարկմանը, որ օրերս ՀՀ արտգործախարար Էդվարդ Նալբանդյանը ՌԴ նախագահի կողմից պարգևատրվել է «Բարեկամության» շքանշանով, Ալեքսանդր Արզումանյանը նշեց, որ դրանով Պուտինը «փուռը տվեց» Նալանդյանին: «Կարծում եմ, որ ամենաշատը հենց Նալբանդյանն է դժգոհ այդ պարգևատրումից»:
Մանրամասները՝ տեսանյութում:
