Տավուշի մարզի Նոյեմբերյան քաղաքում սեպտեմբերի 18-ին տեղի ունենալիք քաղաքապետի ընտրություններին 7 թեկնածու է առաջադրվել՝ այդ թվում նաև գործող քաղաքապետը և նախկին քաղաքապետը: «Առաջին լրատվական»-ը թեմայի շուրջ զրուցեց նախկին քաղաքապետ Սերյոժա Ամիրաղյանի հետ:
«Մրցակցային պայմաների վերաբերյալ առայժմ ոչինչ չեմ կարող ասել, գիտենք՝ Հայաստանում ընտրությունները սովորաբար ինչպես են ընթանում, ես դրան շատ հանգիստ եմ վերաբերվում»,- նշեց Ս. Ամիրաղյանը և հավելեց, որ այսօր արդեն սկսվել է նախընտրական քարոզարշավը: Նոյեմբերյանի նախկին քաղաքապետը վերընտրվելու հույս ունի. «Ժողովրդի մեջ ընդունված, համեստ անձնավորություն եմ»:
Բարդանալու է ընտրության ընթացքը, հաշվի առնելով այն, որ 8 համայնքներ միացել են Նոյեմբերյանին, և այն, որ Ոսկեպարի բնակիչները դեմ էին միացման վերաբերյալ կառավարության որոշմանը. այս դիտարկմանն ի պատասխան՝ Ս. Ամիրաղյանը նշեց. «Համայնքների միացումը ժամանակավոր է պետք, առավել ևս սահմանամերձ բնակավայրերում: Նոյեմբերյանի 19 բնակավայրերը դարձել են 3 համայնք. Նոյեմբերյանին կցված 8 գյուղերով համայնքն մենաբարդն է: Ես սխալ եմ համարում համայնքների միացումը, ժողովուրդը դեմ էր և այս հարցում ճիշտ է»:
Մանրամասները՝ տեսանութում:
