Դուբլինում Ելիզավետա 2-րդ թագուհու Իռլանդիայի անկախության համար զոհվածների հուշահամալիր այցելության ժամանակ «Շին Ֆեյն» կուսակցությունը և մի քանի այլ կազմակերպություններ կազմակերպել են բողոքի ակցիաներ, որոնք վերածվել են անկարգությունների:
Ոստիկանության ուղղությամբ նետվել են այրվող շշեր,- հայտնում է ITAR-TASS գործակալության լրագրողը: Բախումները տեղի են ունեցել հրապարակում, որը գտնվում է հուշահամալիրից հինգ հարյուր մետր հեռավորության վրա: Թագուհին պետք է ծաղիկներ դներ անկախության համար զոհվածների հուշահամալիրին:
Ակցիան սկսվել է այն բանից հետո, երբ ակտիվիստները բաց են թողել հազարավոր սև փուչիկներ: Հայտնի է հինգ ձերբակալվածների մասին:
Երեքշաբթի օրը Ելիզավետա թագուհին կատարել է իր առաջին այցը Իռլանդիա:
Բրիտանական թագուհու այցի նախօրեին «Շին Ֆեյն» կուսակցության առաջնորդ Ջերրի Ադամսն այն անվանել էր վաղաժամ: Նա զգուշացրել էր, որ կուսակցության անդամները, որոնք հանդես են գալիս երկու Իռլանդիաների, որոնցից Հյուսիսային Իռլանդիան գտնվում է Մեծ Բրիտանիայի կազմում, միավորման օգտին, բողոքի ակցիաներ կիրականացնեն կղզու բոլոր այն քաղաքներում, ուր պատրաստվում է այցելել թագուհին: