Շվեդիայի Ումեո համալսարանի սոցիոլոգիայի պրոֆեսոր Ստեֆան Սվալֆոշը առաջարկել է ԱՄՆ Կենտրոնական հետախուզության վարչության նախկին աշխատակից Էդվարդ Սնոուդենին առաջադրել է խաղաղության Նոբելյան մրցանակի, հաղորդում է The Daily Mail-ը:
Համապատասխան նամակն ուղարկվել է Նորվեգիա՝ Նոբելյան կոմիտե և հրապարակվել է շվեդական մամուլում:
Այդ ուղերձում պրոֆեսորը հայտարարել է, որ Սնոուդենը պետք է մրցանակը ստանա «հերոսական արարքի համար, որը նրան տրվել է անձնական կյանքի մեծ գնով»: Խոսքն ԱՄՆ ազգային անվտանգության գործակալության լրտեսական ծրագրերի մասին տեղեկատվության բացահայտումն է:
Սվալֆոշի կարծիքով՝ ամերիկացի ծրագրավորողն օգնել է աշխարհին դառնալ ավելի լավն ու անվտանգ: Գիտնականը նշել է, որ Սնոուդենին առաջադրելը խորհրդանշական կլիներ, քանի որ ցույց կտար, որ անհատները կարող են պաշտպանել հիմնարար իրավունքները և ազատությունները:
Պարբերականը նշում է, որ Սվալֆոշն իրավունք ունի իր առաջարկներն ուղարկել Նոբելյան կոմիտե, քանի որ սոցիոլոգիայի պրոֆեսոր է Ումեոյի համալսարանում: