Քեմերոն Դիասը երբեք տարիքից չի բողոքել: Ինչպես խոստովանել է դերասանուհին, երբ 20 տարեկան է եղել, երազել է շուտ 30 դառնալ, իսկ այնուհետև չի վախեցել 40 տարեկան դառնալուց: «Տարիների հետ կյանքն էլ ավելի լավն է դառնում, թեկուզ և այն պատճառով, որ ազատվում ես շատ հիմար նախապաշարումներից և պայմանականություններից»,- կարծում է դերասանուհին:
40 տարեկանում նա իրեն ավելի ուժեղ, երջանիկ և կյանքով բավարարված է զգում, քան տասը տարի առաջ: Ավելին, Քեմերոնն իրեն ավելի գեղեցիկ է զգում և սեփական մարմինն իրեն ավելի գրավիչ է թվում, քան երիտասարդ տարիներին: Ընդ որում, պլաստիկ վիրաբուժությանը Քեմերոնը բացասաբար է վերաբերվում, քանի որ վիրահատությունից հետո դեմքը փոփոխվում է և անբնական տեսք ստանում: Դա խանգարում է առողջ և օբյեկտիվ մտածել:
«Գեղեցիկ տեսք ունենալու համար հարկավոր է ինքնավստահ լինել»,– գեղեցկության իր գաղտնիքով կիսվել է Դիասը 7 Дней ամսագրին տված հարցազրույցում:
